TADHANA

Minahal kita sa paraang alam ko, hindi mo ko pinilit walang nag-utos sa akin.
Minahal kita dahil iyon ang naramdaman ko, walang pasubali, walang pag-aagam-agam.
Tulad ko ganun din ang ginawa mo, alam ko, naramdaman ko.


Pero makalipas ang ilang taon, asan na yung pagmamahal mo?
Asan ka na? Bakit bigla kang nawala, naglaho na lang bigla na parang bula?
Inasam kong nanduon ka sa tabi sa araw ng pagtatapos ko.
Ninais kong ikaw ang bahaginan ko sa pagkakaroon ko ng unang trabaho ng di na nag-aaral.


Ang dami kong pangarap na binuo na ikaw ang kasama ko.
Kasing dami ng pangrap ko't at dalangin na sana sa muli nating pagtatagpo
ay naruruon ka pa rin upang muli kong makapiling.


Bawat araw na dumaan sa buhay ko na di kita kapiling,
na wala akong alam sa kung ano na ang nangyayari sa iyo.
Pinanghawakan ko pa rin ang pagmamahal ko para sa iyo.
Alam ko balang araw muli tayong pagtatagpuin ng tadhana.


Tadhana nga ba ang may gawa o tayo lang ang nagkulang?
Tadhana nga ba ang nagtatakda o di ba at nasa atin ang pag-dedesisyon at pagpili?
Tadhana nga ba ang may alam o maaari naman nating malaman
kung gumawa lang tayo nuon ng paraan?
Sadyang sa tadhana ko nga lang ba inilaan o kahit ako'y wala rin naman ginawa?


Sino nga ba si Tadhana kung bakit sa twina'y cia ang nasisisi kapag
ang dalawang puso'y pinagtagpo at pinagwalay din naman?
Ano nga ba ang papel ni Tadhana sa naging buhay natin?


Sa mahabang panahong ginugol ko para mahalin ka, kahit di man kita nakikita.
Wala akong pinagsisihan, wala akong pinanghihinayangan.
Bagkus, pinagpapasalamat ko pa nga iyon dahil sa pag-aaruga ko
sa nilaan kong pagamahal sa iyo, di ko natutunan magmahal agad ng iba.
At naabot ko ang pangarap ko di man isang daang porsiyento,
pasalamat na din akong naging maayos ang buhay ko.



Mananatili kang espesyal sa aking puso, kaylanman.
At sakaling muli tayong pagtagpu-in ni Tadhana,
kung cia man nga ang may gawa, ipagpapasalamat kong nuon ay minahal mo ako.


Masarap magmahal kahit may pagluha, may galak,
may lungkot, kaylanman ay di ko kalilimutan ang magmahal.
Minahal kita nuon sa paraang ako ang namili, at gayun ka din naman.